Pjesë e kontributit që AFPRA jep në vazhdimësi për institucionet publike të MZSH-së, sot ishte AZM – Qarku Fier. Drejtuesi i përkushtuar i këtij institucioni pranë parkut Divjakë, z Ardian Koçi dhe z Alban Laçi diskutuan rreth nevojave për sa i përket logjistikës së MZSH-së në këtë sektor në përmbushje të detyrimit ligjor për zonat e mbrojtura sipas VKM përkatëse si dhe mundësisë së shoqatës sonë për të kontribuar në përballimin e sfidave.

Një ndihmë modeste me veshje dhe pajisje zjarrduruese dhe komunikimi ju dhuruan me këtë rast pjestarëve të ekipit të MZSH-së së këtij institucioni duke shënuar kështu dhe fillimin e një bashkëpunimi të ngushtë në të ardhmen.

Vazhdojnë ndihmat modeste të AFPRA-s për strukturat e MZSH-së dhe ato vullnetare në të gjitha bashkitë në vend. Aktiviteti i rradhës ishte ai me MZSH Mat. Me drejtuesit e kësaj strukture u bisedua për nevojat e këtij shërbimi në lidhje me pajisjet, materialet si dhe trajnimet e vazhdueshme për t’ju përgjigjur sa më mirë dhe shpejt sfidave me të cilat përballet efektivi i këtij stacioni.

Midis shoqatës AFPRA dhe Gbi – Health & Safety Academy, një ndër kompanitë më në zë të sigurisë rrugore në vend, u nënshkrua Marrëveshja e Bashkëpunimit në fushën e trajnimeve për Mbrojtjen nga Zjarri dhe Shpëtimi, sigurinë rrugore dhe në të gjithë fushat e tjera me interes reciprok.

Përfaqësuesit e AFPRA dhe Gbi përkatësisht z Alban Laçi dhe z Hajredin Dibra shprehën bindjen e tyre për një bashkëpunim të frytshëm në shërbim të komunitetit.

Pjesë e aktivitetit të AFPRA-s sot u bë një vizitë që hapi një faqe të re bashkëpunimi me strukturën e MZSH-së në Bazën Ajrore të Farkës.

Me bashkëpunëtorët tanë u bisedua për mundësinë e trajnimeve të stafit të kësaj strukture si dhe pajisjen me materiale e teknikë në përballjen  me zjarrin në situata emergjente.

Me këtë rast u dhurua një sasi modeste me veshje zjarrduruese e pajisje personale.

Bashkëpunimi shumëvjeçar me VAFFFA-Austri mundësoi vizitën në Shqipëri të disa personaliteteve austriakë të kryesuar nga drejtuesit e VAFFFFA-s z. Großruck e z. Schwarzmannseder, Drejtori i MZSH-së Austri z. Robert Mayer, Drejtori i Akademisë së Zjarrfikësve Linz z. Gottfried Kerschbaummay si dhe një ekipi trajnues e zjarrfikës pjestarë të VAFFFA-s.

Pas kërkesës së AFPRA-s drejtuar DPMZSH-së dhe në kuadër të Memorandumit të Bashkëpunimit mes palëve, kryetari i AFPRA-s z. Alban Laçi, miqtë austriakë si dhe ambasadori i Austrisë në vendin tonë Dr. Christian Steinee zhvilluan një takim pune në Ministrinë e Brëndshme me drejtuesen e MZSH-së të këtij institucioni zj Holta Komino dhe specialistët e kësaj drejtorie duke diskutuar për mundësinë e ofrimit të trajnimeve për strukturën e MZSH-së në të gjithë territorin.

Mes palëve u theksua nevoja e bashkëpunimit në nivele formale dhe konkrete ku nga palët u vlerësua bashkëpunimi VAFFFA-AFPRA-DPMZSH.

Drejtuesit e MZSH-së Austri u shprehën se janë të gatshëm të zhvillojnë trajnime dhe kurse specifike sipas nevojave që ka shërbimi zjarrfikës shqiptar duke dhënë knowhow se si mund të formohen kurset dhe si të funksionojnë ato.

VAFFFA theksoi vazhdimin e përkushtimin e saj për të ndihmuar shërbimin e MZSH-së në vendin tonë, me fokus atë Vullnetar me pajisje dhe mjete nëpërmjet bashkëpunimit me AFPRA.

AFPRA theksoi rëndësinë e vazhdimit të bashkëpunimit formal në projekte të tilla duke forcuar shërbimet e MZSH-së vendore për ti bërë ato atraktive për vullnetarët potencialë. Në bashkëpunim me palët e interesit shoqata jonë ka mbështetur dhe është e gatshme të mbështesë ngritjen e shërbimeve vullnetare në të gjithë territorin e republikës duke i udhëzuar si ngrihen, si funksionojnë në përputhje me kuadrin ligjor të MZSH-së, atë financiar etj, duke bërë të mundur një paketë me udhezime si dhe duke propozuar kurikulën dhe çertifikimin e cdo vullnetari sipas modeleve më të mira si psh ai austriak.

Në përfundim të takimit VAFFFA njoftoi dhurimin e një mjeti zjarrfikës mbështetës të lëvizshëm për mbushje dhe testim të aparaturave të frymëmarrjes i cili do të jetë në dispozicion të strukturës së MZSH-së në të gjithë territorin si dhe një sasie materialesh e pajisjesh për shërbimin zjarrfikës.