Më 24 Janar, në Ditën Ndërkombëtare të Arsimit, shoqata AFPRA mori pjesë në aktivitetin e organizuar nga DPSHTRR pranë Piramidës, ku ekspozoi pajisje tekniko-zjarrfikëse dhe një nga mjetet e saj zjarrfikëse. Fëmijëve iu dha mundësia të bëjnë pyetje, të provojnë pajisjet dhe të marrin pjesë në shuarjen e një zjarri demonstrues.

Nëpërmjet kësaj përvoje interaktive dhe argëtuese, fëmijët mësojnë në mënyrë praktike rreziqet që sjell një zjarr i pamenaxhuar, hapat që duhet të ndjekin në rast zjarri, personat dhe shërbimet që duhet të njoftojnë dhe mënyrën sesi vepron shërbimi zjarrfikës. Ky aktivitet shërben si një shembull i rëndësishëm se si edukimi dhe ndërgjegjësimi mund të jenë njëkohësisht të dobishme dhe argëtuese.

Përfundoi me sukses edhe faza e dytë e projektit: “Trajnimi i Zjarrfikësve Shqiptarë të Shërbimit të Mbrojtjes nga Zjarri dhe Shpëtimit të 10 bashkive” e financuar nga qeveria e Polonisë dhe implementuar nga UNDP- Albania ku AFPRA si qendër formimi profesional e liçencuar ka mundur të trajnojë mbi 350 zjarrfikës në vend.

Trajnimet filluan nga muaji gusht me fazën e parë dhe u mbyllën në dhjetor 2023 me fazën e dytë për shërbimin e MZSH-së te bashkive Pogradec, Durrës, Tiranë, Shijak dhe Kavajë, duke realizuar mbi 500 orë trajnime në 11 qëndra të improvizuara trajnimesh nga trajnerë me përvojë, vendas dhe të huaj me një bashkëpunim të përkryer me QKUM dhe DPMZSH.

Në këto trajnime, mes të tjerëve, spikatën me vullnetin e pasionin e tyre zjarrfikësit e rinj nga Kamza, Durrësi, Kavaja, Shijaku etj.

Pjesa më e madhe e pjesmarrësve të anketuar shprehën një dëshirë të madhe për t'iu nënshtruar trajnimeve shtesë dhe treguan një interes të madh për të mësuar dhe zhvilluar më tej aftësitë e tyre profesionale.

AFPRA është e hapur të mirëpresë çdo sugjerim ose ide që përkon me misioni e saj, për një Shqipëri më të sigurtë nga zjarret dhe një shërbim të MZSH-së sa më të aftë për t’u përballur me sfidat e kohës.

Me rastin e Ditës Ndërkombëtare të Zjarrfikësve, shoqata AFPRA partnerja më e afërt e shërbimit të MZSH-së në Shqipëri, uron të gjithë pjestarët e kësaj strukture të vazhdojnë përherë e më me përkushtim detyrën e tyre fisnike në shërbim të komunitetit dhe nga ana tjetër shëndet e gëzime të kenë në familjet e tyre.

Që nga 4 maj 1999, në përkujtim të rënies në krye të detyrës të 5 zjarrfikësve në Australi, kjo ditë festohet në të gjithë globin.

Disa ditë me parë u mbajt mbledhja vjetore e shoqatës AFPRA ku pas një vendimi unanim u vendos pranimi i 6 propozimeve për anëtarësime të reja si dhe u miratuan disa prej projektideve të propozuara, ku ndër të tjera veçojmë krijimin e skuadrave të ndryshme AFPRA të cilat sipas fushave do të jenë:

Fire Protection Team

First Aid Team

Urban & Alpine SAR Team

Drone Team

Logistic Team

Animal Rescue Team

K9 Team

Në këto skuadra do të angazhohen njerëz pasionantë të cilët do të trajnohen në fushat përkatëse, me pajisjet dhe mjetet e duhura dhe do të jenë të gatshëm të japin kontributin në rastet e emergjencave të ndryshme.

Së shpejti do të publikohen detajet specifike për secilën skuadër si dhe mënyrat e angazhimit.

Ftojmë të interesuarit që dëshirojnë të angazhohen duke krijuar grupet tyre në qytete të ndryshme të vendit të na kontaktojnë.