AFPRA në bashkëpunim me shoqatën VAFFFA- Austri bëri të mundur ardhjen e disa trajnuesve nga ekipi zjarrfikës austriak i qytetit te Grieskirchen- Austri. Në këtë trajnim morën pjesë 23 efektivë të përzgjedhur nga bashkitë Tiranë, Gramsh, Kamëz etj, të cilët patën mundësinë të njiheshin nga afër me menyrën e veprimit me fokus tek mbrojtja personale si dhe të vepronin praktikisht sipas kurrikulave të trajnuesve austriake.

Mbas këtij trajnimi shoqata austriake VAFFFA në bashkëpunim me FREIWILLIGE FEUERWEHR-ST. FLORIAN AM INN i dhuroi shoqatës tonë perfaqesuar nga kryetari saj z Alban Laçi, një mjet zjarrfikës i cili do të përdoret për trajnimin e efektivave të MZSH-së kudo në Shqipëri.

Me rastin e përfundimit të kursit bazë të trajnimit zjarrfikës pranë Akademisë së Sigurisë, në mjediset e Qendrës së Trajnimit Zjarrfikës u organizua ceremonia e diplomimit të efektivëve të parë që morën pjesë në këtë kurs.

Pjesë e të ftuarve në këtë ceremoni ishin Kryetari i AFPRA-s z Alban Laçi, Anetari Nderit z Fran Gega, Drejtori i MZSH-së z Alfred Kristuli dhe z Shkëlqim Goxhaj, stafi trajnues me z Arben Cara etj.

Në ceremoni midis të tjerash u vlerësua lart kontributi i shoqatës AFPRA në mbështetjen e këtij kursi me pajisjet e nevojshme për trajnimin e efektivave zjarrfikës.

Të pranishmëve si dhe përfaqësuesve të projektit të sigurisë të EU zj Tina Koivuniemi dhe të Akademisë së Sigurisë së Estonisë zj Hali Allas etj, të cilët ishin gjithashtu pjesë e kësaj ceremonie, iu prezantua aktiviteti i shoqatës AFPRA si dhe u diskutua mundësia e vendosjes së një ure bashkëpunimi në funksion të forcimit të kapaciteteve trajnuese.

Shoqata AFPRA me ndihmën e çmuar të miqve austriakë të VAFFFA bënë të mundur pajisjen me veshje kundra zjarrit të ekipit të MZSH-së të Bashkisë Rrogozhinë. Në ceremoninë e organizuar morën pjesë Kryetari i Bashkisë Peqin z. Edison Memolla, përfaqësuesit e shoqatës AFPRA si dhe ato të shërbimit vullnetar Kavajë dhe në veçanti z. Josef Schwarzmannseder përfaqësues i shoqatës VAFFFA- Austri. Në takim u theksua nevoja e vazhdimit të këtij bashkëpunimi në drejtim të trajnimit si dhe pajisjes së stafit të MZSH-së me mjetet e duhura në shërbim të komunitetit.

Shoqata AFPRA me ndihmën e çmuar të miqve austriakë të VAFFFA bënë të mundur pajisjen me veshje kundra zjarrit të ekipit të MZSH-së të Bashkisë Peqin. Në ceremoninë e organizuar morën pjesë Kryetari i Bashkisë Peqin z. Lorenc Tosku, përfaqësuesit e shoqatës AFPRA si dhe ato të shërbimit vullnetar Kavajë dhe në veçanti z. Josef Schwarzmannseder përfaqësues i shoqatës VAFFFA- Austri. Në takim u theksua nevoja e vazhdimit të këtij bashkëpunimi në drejtim të trajnimit si dhe pajisjes së stafit të MZSH-së me mjetet e duhura në shërbim të komunitetit.

Vazhdimi i përpjekjeve të palodhura të shoqatës AFPRA në bashkëpunim me Drejtorinë e Përgjithshme të MZSH-së dhe shoqatën VAFFFA- Austri, realizoi grumbullimin dhe sjelljen në Shqipëri të një sasie prej 6 T ndihma në paisje dhe materiale për shërbimin e MZSH-së në te gjithë vendin. Ju faleminderit miqve austriake e në vecanti Z. Josef Schwarzmannseder për kontributin e jashtëzakonshëm dhe kujdesin e treguar për shërbimin e MZSH-së në vendin tonë. Me këtë rast Kryetari AFPRA-s z. Alban Laçi iu dorëzoi çertifikatat “Anëtar Nderi” të AFPRA-s z. Wolfgang Groẞruck dhe z. Josef Schwarzmannseder si dhe “Çertifikatë Mirënjohje” për Freiwillige Feuerwehr-Tal dhe z. Martin Klaffenböck. Në këtë ceremoni mori pjesë dhe Kyetarja e Bashkisë të qytetit Grieskirchen si dhe Komandanti i Sherbimit Zjarrfikes Vullnetar Kavaje z. Enver Biturku.